Kawsaymarkapa, llaktakay runakunapa Amawtay Wasi kawsaypura Hatunyachanawasika, tukuylla yachakuna, ayllullaktakunapa yachanawasimi kan.

Kawsaypura Hatunyachanawasika kawsaymarka, llaktakay runakunapa, yanarunakunapa, yunkarunakunapa yachaykunata kutinriksichin, chanichin, ñawpanchin, hawayachinmi, paykunami kay wiñay yachay ñantaka kallarik chaskikkuna kan.

Ayllullaktapa Hatunyachanawasi kashkamantami, ayllullaktakunawan tinkurishpa llamkan, shinami sami yachaykunata ayllullaktatak alliman apankapak yanapan. Ayllullaktakunapi, ayllullaktakunawan, ayllullaktakunapakmi yachakurin.

Hatunyachanawasika ayninakuy, llaktapashuti, rantinkatiy unanchakunatami katin; shinallatak, kawsaypurachiktami paypak pushak kapak kallari ñanta charin. Chaymanta, kay yachana wasipi llamkakkunaka tawka kawsaykunamantami kan. Kuski killapi, 2021 watapi, kay Hatun Yachanawasika pushaykamay llamkayta tukuchinkakamanka kashnami tantarin:

Hatunyachanawasita Pushak Kamak Apukkunami kallari pushakkuna kankuna, pikunami yachaymanta, pushakamaymanta, kullkikamaymanta, shuk llamkaykunamantapash rikunkuna, Yachanawasipa kikin llamkaykunawan.

Pushak Kamak Apukkunapa ukupimi ishkay pushay kuska sakirin: Pushakamak-Kullkikamak Pushak, shinallatak, Yachakuy Llamkay Ñan Pushakkamak.

AMAWTAY YACHAY

NUESTRAS AUTORIDADES